فى مطبخ عنقودة كل شئ يجوووووووووووووز البيتزااااااا بالجبنة

[b]طيب المهم يا و لا
و اليكم طريقة عمل البيتزا اللى بالجبنة و اوعى تحطيلها لحمة اياكى حزارى انا بنبة اهو و قد احذر من انذر يالا نكمل كفاية جبنة انتوا هاتنهبوا قبر يلم العفش نرفزتونى و كمان بيج بيرين موصينى انها تكون من غير لحمة الظاهر انه عايزها من غير بيتزا كمان هههههههه
المهم البيتزا مكوناتها عجينة طبعا و جبة زتون و جبة بصل و جبة صلصة و جبة طماطم مقطعة و حبة فلفل له الواتات كثيرة منها الاخضر و الاصفر و الاحمر واااااااااااااااو المهم لازمن تكملى يا اختشى بالتته الالوان و اتصرفى و ما تقرفنيش .
و اليكم طريقة عمل البيتزا بالتفصيل .
اولا العجينة : مكوناتها دقيق و حبة سمنة على زيت و حبة مية و حتتة خميرة مناسبة و ما تبخليش و تحطى حتة خميرة صغيرة و تعلينا بقا علشان الخميرة تخمر هو احنا ناقصين شلل و ترجعى بقا ياختى تجيبى العيب عندى و تقولى ان بتاع الدقيق اداكى دقيق تالفان ، و حبة سكر و حبة ملح .
نجيب الدقيق نحللوه بالمنخل ثم تحطى على الدقيق حبة ملح اللى قولتلك عليهم و نجيب حتة الخميرة و نحطها فى طبق و نحط عليها حبة سكر حلوين كدا علشان الخميرة تنفش و نحط عليهم شوية مية و ندوبهم كويس قوى جدا خالص و تحطيهم على الدقيق و بعد كدا حبة مية علية و تعجنى و تدمجى المية مع الدقيق بس خلى بالك ما تحطيش مية كتير حتى لا يصبح العجين كالبلوظة لا حطى حبة صغيرة و ادمجى الدقيق مع المية ثم حطى حبة من السمنة و الدقيق و يكونوا سايحين و تعجنى الكل بقا مع بعضة لغاية ما يكون القوام متماسك و العجينة تحسى ان سمنتها معقولة مش كتير كدا و لا قليل قوى و العجينة ماسكة نفسها ماسكة نفسها كويس لاهى بوظة و لا ناشفة فاهمانى يا تفيده و تسبيها لحد ما تخمر كدا و تبقى تمام .
و لحد ما دا يحصل يا اختشىىىى تعالى قابلينى بقا و معاكى الزتون الاخضر و الاسود و قطعية حتت صغيرة و اركنية على جمب و هاتى طماطم يعنى طماتمتين كدا و لا حاجة او تلاتة يالا و قطعيهم حتت صغيرة قووووووووى و اركنيهم على جمب
و تجيبى البصل و تقطعية جوانح و تضربية فى الزيت و تشوحية حتى يكتسب اللون الاصفر و بعد كدا تجيبى الفلفل الاخضر ياختى و يكون متقطع طبعاشرايح بالطول و تضربية على البصل لغاية ما يدبل كدا و تنزلية من على النار بقا
ازاى بقا نعمل الصلصة :- نجيب البصل و حبة توم و صلطة طماطم و اضربيهم فى الخلاط ثم حطيهم على النار علشان يتسبكواثم نزلية من على النار .
قوليلى انتى اشتريتى جبنة نوعها اية المدزاريلا اللى بتمط اممممممممممممممم شغال يا باشا بس دى غالية اديها جبنة رومى اهو الاصل كله لبن هى يعنى من غير ما تمط البيتزا هاتعيط اهو كله هيتهضم
نرجع بقا للعجينة ها شوفتيها لاقتيها فانتشت كدا و كبرت و شوية وتدخل خمسة ابتدائى كويس استنى بقا لحد ما تدخل الجامعة و تديكى على قفاكى ههههههههههههههه
المهم لما العجينة تخمر قطعيها يعنى اعمليها كورة و دى اهداء لكل محبى الكورة و مشجعى المنتخب المتعصب مالناش فية
المهم خدى الكورة و افرديها بالنشابة من غير دقيق تحتها لانها لا يمكن تلزق لان فيها سمنة و زيت انتى نسيتى بقا و لا اية ركزى معايا ركز يا هريدى ركز
و افردى العجينة و خلى فيها سمك يعنى يكون سمكها نفس سمك الكشكول بتاع المدرسة اللى فيه ستين ورقة عارفة ينقصوا ورقة هايكون نهارك اسود شبة البيتزا اللى احنا بنعملها دلوقت .
المهم تجيبى الصينية و تزهينى قعرها زيت خفيف كدا و تحطى العجينى المفرودة فيهاو تسبيها تخمر كتير
و بعد ما تخمر العجينة تجيبيها و تغوزيها شوية كدا بالسكينة يعنى 4 او 5 مرات و تدهنى الوش بالصلصة اللى احنا عاملينها يعنى طبقة صلصة خفيييييييييييييفة كدا
و تحطى على الصلصة البصل اللى متشوح هو الفلفل فى الزيت و تفردية على الوش و بعد كدا دخليها الفرن و خلى بالك لازمن يكون الفرن سخن ما يكونش بارد و النار تبقى هادية علشان ما ينشفش وشها بعد كدا لما العجينة تستوى شوية كدا يعنى طلعيها
و حطى بقا الزيتون و الطماطم و الفلفل اللى على كل لون يا الطلس و فوقيهم الجبنة
و تدخليهم الفرن ياخدوا و تتابعيها الا لو انتى سهيتى عنها هاتتحرق و ساعتها جوزك هايفضحك فضيحة لا قبلها و لا بعدها ياختى
و تطلعيها لما تلاقى وشها كدا بقا لونة زى ما بتشوفى البيتزا بره و انتى جايبها من بيتزا هت
و تطلعيها بقا من الفرن
و تقطعيها و بالهنا و الشفا و اوعى تنسى تاكليها
و ربنا يستر بقا بصى انتى تخلى واحد بس من افراد الاسرة يدوق حصلة حاجة ما تكملوش اكل ما حصلوش حاجة كلوها بس باردو لازمن يكون جنبكم الفوار او مطهر معوى او يكون جيرانكم الاسعاف
و الى اللقاء مع طبق اخر و عنقودة

دي وصفة سهلة دي وصفة هايلة أناأول واحد هيجربهاوربنا يستر وإنا لله وإنا إليه راجعون

[/i][/b][i]جميل يا عنقوده تسلم ايدك حبيبتى طول عمرك دمك زى العسل

انت بتحسسنى يا بيج ان الصنيه اول ما هتدخلها الفرن هتنفجر عموماً يابنى نجرب مفيش مشكله بس انا حاسس ان مش الصنيه الى هتنفجر البيت بحاله وهطلع زى الى عمله طقية الاخفاء [i]

مرسية يا زوزو الله يخليكى يا قلبى طول عمرك كدا رافعة معنوياتى فوق فوووووووووق فوووووووووووووووق فوق فى العلالىىىىىىىى لا لى لى لالى لالى لالى لا لى لاااااااااالى

هى فعلا سهلة يا بيج بس اهم شئ و انت بتعملها ما تتهوش فى المولد و عينيك تزوغ على الراقصة اللى بتقول طار فى الهوا شالى و انت ما تدراشى يا جداااااااااااااااااع او تقولها انا الجدع ههههههههه

مرسية ليك اسكوربيون بس انا اشكرك جدا يا اسكوربيون لانك لفت نظرى لشئ مهم جدا انك بالاضافة الى انك من الصح و اتنت بتعمل الوصفة تكون الاسعاف جمبك او جمبك فوار لابد ايضا من وجود طفاية حريق فى البيت او يوجد طبعا جيرانكم المطافى و احب اقولك فى مطبخ عنقودة اقعد و اتقنعر اطلب و اتمنظر

انا هحتلك رد مخوص علشان تقليلى مرسى ههههههه ماشى يا بنت عم اخو نسيب عم ابوية انتى قربتى بس من بعيد شويتين

مرسية يا اونكل فهيفع و سلملى على تنت